دولة الرئيس ...

لعملتو بهل 6 اشهر ما في سياسي عملو 

معقوله هيك !!!

كيف قدرت تكون هالقد نضيف 

ما بصير تكون محايد وتحب بلدك 

عيب الضمير يكون حي بهل بلد 

دولة رئيس ...

كيف عوصلتك جبت كورونا من صين ؟؟

وفوق هيدا الدولار بسبب ضغط على الملف المالي ارتفع !!

ومن كل عقلك فتحت ملف اقالة سلامة بتعرف انو بيزعج قرطة الحراميه بالبلد ...

لحظه ...كيف رفضت الضغط الخارجي ما بتعرف انو حكومتنا كل عمرها يا بايد طال عمره او بايد الام الحنون !!!

وعفوقا ملف الاموال المنهوبه ما بحقلك تفتحو عيب هيدا بطال علي بابا والاربعين حرامي ...

وفي كم ملف اصلاحي ..ما كنت اسرق منن والعب بالموازنه ما بيسوى تقدم الملفات نضيفه 

اي تذكرنا ...يخرب زوقك كيف مليارات دولارات دين لعمرن 30 سنه ما سديتن من اول شهر!؟!! كنت اتدين فوقن لتزقفلك وروح اشحد عاسمنا من برا وادفعن بوسط البلد وعالعارضات لنقول عنك بطل من هذا الزمان !!!

يعني ولتختتم قصة رحلتك اختتمت بانفجار بسبب فساد واهمال وسرقة من  2013؟؟؟ 

معقول دولتك ما عرفت بهل كم شهر انو الولاد الحلوين لقبلك جمعو عيدية العيد وجابو فيها فرقيع توم وخبوهن بالمرفأ؟

اصلا كلو الحق عليك هالشهدا لسقطت بسبب غيرك بس المهم حق عليك!!!

دولة الرئيس ...

الف شكر لان كفك النضيف كان انصع من أن يرى 

#شكرا_دولة_الرئيس_حسان_دياب